Կազանի «Ռուբինի» նախկին մարզական տնօրեն Օլեգ Յարովինսկին կարծում է, որ Մոսկվայի «Դինամոյի» և Ռուսաստանի հավաքականի կիսապաշտպան Արսեն Զախարյանի տրանսֆերը Լոնդոնի «Չելսի» հավանական է:
«Սա հազվագյուտ դեպք է։ Արսենի նկատմամբ հետաքրքրությունը, կարծում եմ, իրական պատմություն է։ Բացի Զախարյանին ձեռք բերելու «Չելսիի» ցանկությունից, պետք է նաև վստահ լինել, որ այս գործարքը զուտ ֆինանսապես հնարավոր է։
Բայց դա այնքան էլ հեշտ չէ, որքան թվում է: Մինչև 2022 թվականը ֆուտբոլային աշխարհն ուներ տրանսֆերային գործունեության իրականացման բավականին պարզ և թափանցիկ սխեմա, որն ապահովագրում էր գնորդ ակումբին, վաճառող ակումբին և հենց խաղացողին բացասական հետևանքներից։
Հիմա ռուսական ակումբների համար այս համակարգը գոյություն չունի։ Գործարքները կատարվում են ձեր սեփական ռիսկով: Եվ մեծ է հավանականությունը, որ ռիսկն իրական դառնա։ Ռուսական ակումբները, ամենայն հավանականությամբ, կկորցնեն ոչ միայն ֆուտբոլիստի, այլ նաև նրա համար վճարված գումարը։ Փաստաթղթերը ստորագրելը բավարար չէ, կարևոր է, որ գումարը փոխանցվի»,- Օլեգ Յարովինսկիի խոսքը մեջբերում է Sport24-ը:
Ավելի վաղ հաղորդվում էր, որ անգլիական գրանդը հակառուսական պատժամիջոցների պատճառով հունվարին չի կարող իրականացնել 19-ամյա ֆուտբոլիստի տրանսֆերը:
Հիշեցնենք, որ ընթացիկ մրցաշրջանում Զախարյանը «Դինամոյի» կազմում մասնակցել է 22 հանդիպման, դարձել երեք գոլի և 6 ասիստի հեղինակ:
