Անգլիայի Չեմպիոնշիփը ներկայացնող «Դերբի Քաունթիի» գլխավոր մարզիչ Ուեյն Ռունին կարող է մարզչական կարիերան շարունակել Պրեմիեր լիգայում:
Daily Mail-ի հաղորդմամբ՝ անգլիացին կարող է ստանձնել «Էվերթոնի» ղեկը:
Ակումբի ղեկավարությունը դժգոհ է ներկայիս գլխավոր մարզիչ Ռաֆայել Բենիտեսի կատարած աշխատանքից, քանի որ թիմի ցուցանիշներն անբավարար են: Պրեմիեր լիգայում անցկացրած վերջին 10 խաղում «Էվերթոնը» կրել է 7 պարտություն, 2 խաղ ավարտվել է ոչ-ոքի, թիմը տոնել է միայն մեկ հաղթանակ:
Հիշեցնենք, որ Ուեյն Ռունին իր պրոֆեսիոնալ կարիերան սկսել է հենց «Էվերթոնում»: Թիմի կազմում անցկացրած 117 խաղում նա դարձել է 28 գոլի հեղինակ:
