Միջազգային օլիմպիական կոմիտեն մի քանի հարցում որոշում է կայացրել այս ամռանը Փարիզում կայանալիք 33-րդ ամառային Օլիմպիական խաղերում ռուս և բելառուս մարզիկների առնչությամբ, հաղորդում է կազմակերպության մամուլի ծառայությունը։

Ռուսաստանի և Բելառուսի ներկայացուցիչները հանդես կգան չեզոք դրոշի ներքո և չեն մասնակցի Խաղերի բացման արարողության մարզիկների շքերթին։ Նրանց նվաճած մեդալները չեն հաշվարկվի ընդհանուր մեդալային հաշվարկում։ Բացի այդ, ռուս և բելառուս մարզիկների հաղթանակի դեպքում կհնչի հատուկ օրհներգ՝ առանց բառերի։ Փարիզի Օլիմպիական խաղերին կարող է մասնակցել առավելագույնը 55 ռուսաստանցի մարզիկ (այս պահին ուղեգիր ունի 12 մարզիկ)։

Հիշեցնենք, որ Օլիմպիական խաղերը կկայանան հուլիսի 26-ից օգոստոսի 11-ը։