Ռուսաստանի շախմատի ֆեդերացիան ներկայացրել է բոլոր փաստաթղթերը՝ Եվրոպայի շախմատային միությունից Ասիայի շախմատային ֆեդերացիա տեղափոխվելու համար: Այդ մասին «Коммерсантъ»-ին հայտնել է ՌՇՖ-ի գործադիր տնօրեն Ալեքսանդր Տկաչյովը:
Նրա խոսքով, փետրվարի վերջին կամ մարտի սկզբին կկայանա Ասիայի շախմատային ֆեդերացիա կոնգրեսը, որի ընթացքում էլ պաշտոնապես կավարտվի գործընթացը:
Եվրոպայի շախմատային միությունից հայտնել են, որ դեմ չեն տեղափոխությանը, եթե դա չի արգելում Շախմատի միջազգային ֆեդերացիան (ՖԻԴԵ):
Հիշեցնենք, որ շախմատի տղամարդկանց և կանանց Ռուսաստանի հավաքականները չեն մասնակցում միջազգային մրցաշարերին, իսկ ռուս շախմատիսները ելույթ են ունենում ՖԻԴԵ-ի դրոշի ներքո:
