Անգլիական «Լիվերպուլի» հարձակվող Մոհամեդ Սալահը յոթերորդ անգամ ճանաչվել է Պրեմիեր լիգայի ամսվա լավագույն ֆուտբոլիստ, հայտնում է մրցաշարի մամուլի ծառայությունը:

Լավագույնի համար պայքարում 32-ամյա եգիպտոսցին առաջ է անցել Բետուից («Էվերթոն», 5 գոլ), Ժան-Ֆիլիպ Մատետայից («Քրիստալ Փելաս», 4 գոլ, 1 ասիստ), Յանկուբ Մինտեից («Բրայթոն» 2 գոլ, 1 ասիստ), Ջեդ Սփենսից («Տոտենհեմ», 2 «չոր» հանդիպում) և Դոմինիկ Սոբոսլայից («Լիվերպուլ», 2 գոլ, 1 ասիստ):

Նախորդ ամսվա լավագույն ֆուտբոլիստ էր ճանաչվել «Բորնմութի» հարձակվող Ջասթին Կլյուվերտը: