Իտալիայի Ա Սերիայի հետնապահ «Սալերնիտանան» հայտարարել է Ֆիլիպո Ինձագիին գլխավոր մարզիչի պաշտոնից հեռացնելու մասին:

Իտալացի մասնագետը «Սալերնիտանան» գլխավորում էր 2023 թվականի հոկտեմբերից: Նրա գլխավորությամբ իտալական ակումբն անցկացրել է 18 հանդիպում, տարել երեք հաղթանակ, գրանցել չորս ոչ-ոքի և պարտվել 11 դիմակայությունում:

«Սալերնիտանան» Իտալիայի ընթացիկ առաջնության 24 խաղից հետո 13 միավորով վերջին՝ 20-րդ տեղում է: