Սամբոյի Հայաստանի երիտասարդական հավաքականը Կիպրոսի Լիմասոլ քաղաքում ավարտված Եվրոպայի առաջնության մեդալային հաշվարկում գրավեց երկրորդ տեղը:
Հայաստանը նվաճել է մեկ ոսկե, երկու արծաթե և երեք բրոնզե մեդալ:
Մինչև 71 կգ քաշային կարգում ոսկե մեդալ է նվաճել Մհեր Օհանյանը, որը եզրափակիչում վաղաժամ հաղթանակի է հասել Վրաստանի ներկայացուցիչ Միխայիլ Գափրինդաշվիլիի դեմ պայքարում:
Արծաթե մեդալակիր են դարձել Արշակ Բեխչյանը (64 կգ) և Սեյրան Սարուխանյանը (88 կգ), բրոնզի են արժանացել Սամվել Ղազարյանը (79 կգ), Էրիկ Սաղաթելյանը (98 կգ), Արսեն Հայրապետյանը (+98 կգ):
