Իտալական «Սամպդորիայի» Մ20 թիմի դարպասապահ Լորենցո Կեպին «Վերոնայի» իր հասակակիցների դեմ Պրիմավերա 1-ի 22-րդ տուրի խաղում (1-1) աչքի է ընկել դարպասապահին ոչ հատուկ գործողությամբ:
Խաղի 60-րդ րոպեին՝ «Վերոնայի» երիտասարդական թիմի՝ անկյունայինից կատարած փոխանցումից հետո, 18-ամյա դարպասապահը գնդակը հեռացրել է սեփական տուգանային հրապարակից, սակայն դրանից անմիջապես հետո չգիտես ինչու որոշել է թողնել դիրքն ու առաջանալ: Գնդակը բաժին է հասել մրցակցի պաշտպան Դավիդե Դե Բատիստիին, որը հեռվից հարվածով գրավել է անպաշտպան մնացած դարպասը:
