Ֆուտբոլի Սաուդյան Արաբիայի հավաքականը հաջորդ տարի նախատեսված Ամերիկայի գավաթի խաղարկությանը մասնակցելու հրավեր է ստացել։ Այդ մասին հայտարարել է Սաուդյան Արաբիայի ֆուտբոլի ֆեդերացիայի նախագահ Յասիր Ալ-Միշալը։
«Մենք Ամերիկայի գավաթում խաղալու հրավեր ենք ստացել։ Եթե ամեն բան հաջող լինի, կմասնակցենք այդ մրցաշարին»,- Յասիր Ալ-Միշալի խոսքը մեջբերում է Սաուդյան Արաբիայի ֆուտբոլի ֆեդերացիայի մամուլի ծառայությունը:
Հիշեցնենք, որ 2024 թվականի Ամերիկայի գավաթի խաղարկությունը տեղի կունենա Պարագվայում։ Մրցաշարի գործող չեմպիոնն Արգենտինայի հավաքականն է, որը հաղթել էր նաև նախորդ տարի Կատարում կայացած աշխարհի առաջնությունում: ԱԱ-2022-ի առաջին տուրում Սաուդյան Արաբիայի հավաքականը սենսացիոն հաղթանակ էր տարել արգենտինացիների նկատմամբ, սակայն չէր կարողացել հաղթահարել խմբային փուլի արգելքը։
