Մադրիդի «Աթլետիկոյի» իսպանացի կիսապաշտպան Սաուլ Նիգեսը կարող է դառնալ հերթական ֆուտբոլիստը, որը կարիերան կշարունակի Սաուդյան Արաբիայում, հաղորդում է AS-ը:
28-ամյա ֆուտբոլիստի ծառայություններով հետաքրքրված են «Ալ Նասրը» և «Ալ Իթիհադը»: Սաուլը կհամաձայնվի կարիերան Եվրոպայի սահմաններից դուրս շարունակելու տարբերակին, եթե նրան վճարեն տարեկան 20 միլիոն եվրո աշխատավարձ, որից հետո նա կդառնա ամենաբարձր վարձատրվող իսպանացի ֆուտբոլիստը:
«Աթլետիկոն» դեմ չէ, որ Սաուլը հեռանա, քանի որ դրա շնորհիվ կկարողանա թոթափել աշխատավարձերի ծանրաբեռնվածությունը:
2022/23 մրցաշրջանում իսպանացին «Աթլետիկոյի» կազմում մասնակցել է 38 խաղի, խփել 3 գոլ, կատարել 1 գոլային փոխանցում: Transfermarkt-ը 10 միլիոն եվրո է գնահատում նրա տրանսֆերային արժեքը:
