Սենեգալի ազգային հավաքականը նվաճեց աշխարհի 2026 թվականի առաջնության ուղեգիր:
Աֆրիկյան գոտու ընտրական մրցաշարի վերջին՝ 10-րդ տուրում Սենեգալը 4-0 հաշվով հաղթեց Մավրիտանիային և B ենթախմբում ապահովեց առաջին տեղը: Դուբլ գրանցեց Սադիո Մանեն, մեկական գոլով աչքի ընկան Իլիման Նդիայեն ու Հաբիբ Դիալոն:
Սենեգալից բացի, աշխարհի առաջնության ուղեգիր են նվաճել նաև Եգիպտոսի, Հարավաֆրիկյան Հանրապետության, Կաբո Վերդեի, Մարոկկոյի, Կոտ դ՛Իվուարի, Ալժիրի, Թունիսի ու Գանայի հավաքականները:
10 ենթախմբերում երկրորդ տեղը զբաղեցրած լավագույն 4 հավաքականներն են Գաբոնը, Կոնգոյի Դեմոկրատական Հանրապետությունը, Կամերունն ու Նիգերիան: Այս հավաքականները պայքարը կշարունակեն փլեյ-օֆֆում: Բուրկինա Ֆասոյի և Նիգերի հավաքականները ևս Կամերունի ու Նիգերիայի պես վաստակել էին 15-ական միավոր, սակայն լրացուցիչ ցուցանիշներով չեն նվաճել փլեյ-օֆֆի ուղեգիր:
