Սերբական «Ցրվենա Զվեզդան» արձագանքել է Երևանի «Փյունիկի»՝ Չեմպիոնների լիգայի որակավորման 3-րդ փուլ դուրս գալուն։
«Ցրվենա Զվեզդայի» թվիթերյան պաշտոնական էջը հայերեն գրառմամբ է արձագանքել ՉԼ-ի որակավորման երկրորդ փուլի արտագնա պատասխան խաղում Հայաստանի չեմպիոնի 4։1 հաշվով հաղթանակին Լյուքսեմբուրգի «Դյուդելանժի» նկատմամբ։
«Կհանդիպենք շուտով»,- նշված է գրառման մեջ։
Կհանդիպենք շուտով, @FC_Pyunik! 🇦🇲🇷🇸 #fkcz 🔴⚪ #ucl
— FK Crvena zvezda in English (@crvenazvezda_en) July 26, 2022
Հիշեցնենք, որ Չեմպիոնների լիգայի որակավորման 2-րդ փուլում «Փյունիկը» երկու խաղեր արդյունքում (0։1, 4։1) պայքարից դուրս թողնելով «Դյուդելանժին» և դարձավ Չեմպիոնների լիգայի որակավորման 3-րդ փուլ հասած հայկական առաջին ակումբը։
Սերբիայի և Հայաստանի չեմպիոնների հանդիպումները տեղի են ունենալու օգոստոսի 3-ին և 9-ին։ Առաջին խաղը կայանալու է Բելգրադում, պատասխանը՝ Երևանում։
«Փյունիկի» և «Ցրվենա Զվեզդայի» դիմակայության պարտվողը պայքարը կշարունակի Եվրոպա լիգայի փլեյ-օֆֆ փուլում։ Չեմպիոնների լիգայի որակավորման 3-րդ փուլ դուրս գալու շնորհիվ Հայաստանի չեմպիոնն ապահովեց առնվազն Կոնֆերենցիաների լիգայի խմբային փուլի ուղեգիր:
Չեմպիոնների լիգայի որակավորման առաջին փուլում «Փյունիկը» երկխաղյա դիմակայությունում հետխաղյա 11 մետրանոցներով հաղթել էր Ռումինիայի չեմպիոն «Կլուժին» (0-0, 2-2)։


