Փարիզի ՊՍԺ-ի իսպանացի պաշտպան Սերխիո Ռամոսը, որը Մյունխենի «Բավարիայի» դեմ (0-1) Չեմպիոնների լիգայի 1/8 եզրափակիչի առաջին խաղից հետո հրել էր ֆոտոլրագրող Մարկուս Գիլիարին, ներողություն է խնդրել իր արարքի համար:
«Ռամոսը կապ է հաստատել իմ հետ ու ներողություն խնդրել: Ներողությունն ընդունված է, հարցը փակված է»,- գրել է Գիլիարը սոցցանցերում:
Աշխարհի և Եվրոպայի չեմպիոնն արձագանքել է ֆոտոլարգրողի հաղորդագրությանը:
«Շնորհակալ եմ, Մարկուս»,- գրել է իսպանացի պաշտպանը՝ գրառմանը կցելով ձեռքսեղման էմոջի:
Հիշեցնենք, որ Ֆրանսիայի ու Գերմանիայի չեմպիոնների պատասխան խաղը կկայանա մարտի 8-ին Մյունխենում:
