Right top 912x274

Middle 1888 x 378

Post page 1888 x 286

Right bottom  912x594

&laquo;Winds of Armenia&raquo; առագաստանավային ակումբը ՀՀ կրթության, գիտության, մշակույթի և սպորտի նախարարության և Հայկական առագաստանավային ֆեդերացիայի համագործակցությամբ սեպտեմբերի 6-8-ը Սևանա լճում առաջին անգամ անցկացրել է J/70 դասում առագաստանավային սպորտի Հայաստանի բաց առաջնությունը,&nbsp;հաղորդում է նախարարության մամուլի ծառայությունը:

Մրցաշարին մասնակցել են ավելի քան 20 թիմեր՝ Հայաստանից, Պորտուգալիայից, Կիպրոսից, Էստոնիայից, Ռուսաստանից և մի շարք այլ երկրներից:

Առաջնության մասնակիցներին տեսաուղերձով դիմել է ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը: Նախարարի տեղակալը շնորհակալություն է հայտնել Սևանա լիճը որպես մրցավայր ընտրելու, Հայաստանում առագաստանավային սպորտը նոր մակարդակի հասցնելու և առաջին անգամ նաև J/70 դասում Հայաստանի առաջնություն անցկացնելու համար:

Հայաստանի բաց առաջնությունում երրորդ տեղն են զբաղեցրել և բրոնզե մեդալներին արժանացել Պորտուգալիայի ներկայացուցիչները, որոնք հանդես են եկել &laquo;Active Sailing&raquo; թիմով: Պարգևատրման հանդիսավոր արարողության ժամանակ նրանց մրցանակները հանձնել են Փարիզի Օլիմպիական խաղերի բրոնզե մեդալակիր, ըմբշամարտի աշխարհի չեմպիոն, Եվրոպայի եռակի չեմպիոն Մալխաս Ամոյանն ու ըմբշամարտի Եվրոպայի չեմպիոն, արծաթե և բրոնզե մեդալակիր, աշխարհի առաջնության բրոնզե մեդալակիր Արման Անդրեասյանը:

Երկրորդ տեղը գրավել են Ռուսաստանը ներկայացնող &laquo;Trem Sailing&raquo; թիմի առագաստանավորդները, իսկ չեմպիոնի կոչմանն արժանացել են Ռուսաստանի մեկ այլ թիմի՝ &laquo;Have Fun&raquo;-ի ներկայացուցիչները:

Առաջնության գլխավոր մրցավարն իտալացի Լուկա Բաբինին էր, որն աշխատել է Լոնդոնի Օլիմպիական խաղերում, Ամերիկայի գավաթում, մարզաձևի Եվրոպայի առաջնություններում և բազմաթիվ այլ հեղինակավոր մրցումներում։ Առաջնությունում ընդգրկվել են նաև մի շարք այլ անվանի մրցավարներ:

<iframe allow="autoplay; clipboard-write; encrypted-media; picture-in-picture; web-share" allowfullscreen="true" frameborder="0" height="842" scrolling="no" src="https://www.facebook.com/plugins/post.php?href=https%3A%2F%2Fwww.facebook.com%2FminESCSarm%2Fposts%2Fpfbid0aGjHonHU3KaiTwunoaA8aZrPnrtAt7CtPkjKBd2CrcAQDrbVXsaDApYUurj55JuVl&amp;show_text=true&amp;width=500" style="border:none;overflow:hidden" width="500"></iframe>