Իսպանական «Սևիլիայի» եզրային հարձակվող Սուսոյի ծառայություններով հետաքրքրված է մերձավորարևելյան երկու թիմ՝ Սաուդյան Արաբիայի «Ալ Թավունը» և կատարական «Ալ Սադը», հաղորդում է Football Espana-ն:
Երկու ակումբներն էլ արդեն կապ են հաստատել 29-ամյա ֆուտբոլիստի ներկայացուցչի հետ, սակայն անդալուզցիները մտադիր չեն հրաժեշտ տալ իսպանացուն:
2022/23 մրցաշրջանում Սուսոն «Սևիլիայի» կազմում մասնակցել է 43 հանդիպման, դարձել 2 գոլի և 4 գոլային փոխանցման հեղինակ: Transfermarkt-ը 6 միլիոն եվրո է գնահատում նրա տրանսֆերային արժեքը:
