ԱՄՆ-ը ներկայացնող հայ մարտիկ Էդմեն Շահբազյանը խոսել է UFC-ի թեթև քաշային կարգի դասակարգման առաջատար Արման Ծառուկյանի մասին, հաղորդում է Sport24-ը: Արմանը ներկա էր գտնվել UFC Fight Night 251-ին և աջակցել Շահբազյանին, որն օկտագոն վերադարձը նշել է տպավորիչ հաղթանակով:
- Մրցաշարին ներկա էր Արման Ծառուկյանը. Հասցրե՞լ եք նրան տեսնել մենամարտից առաջ։
- Այո, մենք խոսել ենք մենամարտից առաջ և հետո:։ Նա իմ մեծ ընկերն է, շնորհակալ եմ նրան աջակցության համար։ Երկուսս էլ հայկական մշակույթն ենք քարոզում։
- Քանի որ մտերիմ եք, միգուցե նա պատմել է, թե ինչպես է առողջական վիճակը: Ապաքինվե՞լ է վնասվածքից։
- Անկեղծ ասած, մենք չխոսեցինք նրա վնասվածքի մասին։ Բայց ես հույս ունեմ, որ նրա ապաքինումը լավ է ընթանում: Կարծում եմ՝ շուտով նրան կտեսնենք ութանկյունում: Հուսով եմ` կպայքարի տիտղոսի համար:
