Տիրասպոլի «Շերիֆն» ու Հայաստանի ազգային հավաքականի վինգեր Արթուր Սերոբյանը փոխադարձ համաձայնությամբ խզել են պայմանագիրը, հաղորդում է ակումբի մամուլի ծառայությունը:
22-ամյա ֆուտբոլիստը ձմռանն էր միացել Մոլդովայի ամենատիտղոսակիր ակումբին, որի կազմում անցկացրել է 25 պաշտոնական խաղ և խփել 4 գոլ:
Ավելի վաղ «Ֆասթ Սպորտ»-ի մեկնաբան, ֆուտբոլային ինսայդեր Սուրեն Մելիքսեթյանը գրել էր, որ Սերոբյանը բանակցում է եվրոպական մի քանի ակումբների հետ։
