Լեհ մրցավար Շիմոն Մարցինյակը հայտարարել է, որ ինքն է VAR-ի սենյակում աշխատող օգնականին խնդրել, որ ստուգի Խուլիան Ալվարեսի 11-մետրանոցի դրվագը:
«Բոլոր լուրերը, թե Մբապեն է ինձ ասել կրկնակի հպման մասին, չեն համապատասխանում իրականությանը:
Անկեղծ ասած՝ իմ մրցավարական կարիերայում առաջին անգամ նման իրավիճակի բախվեցի, թեպետ ֆուտբոլիստները գիտեն կանոնները»,- 44-ամյա մասնագետի խոսքը մեջբերում է As-ը:
Հիշեցնենք, որ Խուլիան Ալվարեսը Մադրիդի «Ռեալի» դեմ խաղում՝ հետխաղյա 11-մետրանոցների ժամանակ, հարվածելիս երկու անգամ էր հպվել գնդակին, ինչի պատճառով մրցավար Շիմոն Մարցինյակը չէր արձանագրել գոլը:
