«Լացիոյի» պաշտպան Ֆրանչեսկո Աչերբին մտահոգություն է հայտնել այն կապակցությամբ, որ ֆուտբոլիստներին թույլ չի տրվում մարզումներ անցկացնել մարզաբազաներում:
«Դժվար է հասկանալ այն որոշումը, որ մայիսի 4-ից կարող ենք մարզվել անհատապես, բայց՝ ոչ մեր ակումբների մարզաբազաներում: Ստիպված կլինենք վազել այգիներում, այնտեղ, որտեղ կլինեն շատ մարդիկ: Դա անվտանգության ավելի ցածր մակարդակ է, քան կլիներ մարզաբազայում, որտեղ շատ ավելի հեշտ է սահմանված տարածությունը պահելը: Մենք շոկի մեջ ենք և ցանկանում ենք պատասխաններ լսել:
Ֆորմելոյում կան 6 խաղադաշտեր և շատ հանդերձարաններ: Նույնը վերաբերում է նաև այլ ակումբների մարզաբազաներին: Կարող էինք անհատապես մարզվել՝ նույնիսկ չտեսնելով թիմակիցներին: Ինձ համար դժվար է այդ որոշումը հասկանալը, ինչպես և այլ ակումբների շատ ֆուտբոլիստների, որոնց հետ զրուցել ենք»,- Աչերբիի խոսքերը մեջբերում է La Gazzetta dello Sport-ը:
Ավելի վաղ տեղեկություններ էին տարածվել, որ Ա սերիայի ընթացիկ առաջնության վերսկսման վերջնաժամկետը հունիսի 14-ն է:
«Լացիոյի» նախագահ. «Պատրաստ ենք «ոսկե հանդիպում» անցկացնել «Յուվենտուսի» հետ»
