Մադրիդի «Աթլետիկոյի» գլխավոր մարզիչ Դիեգո Սիմեոնեն մեկնաբանել է Իսպանիայի Արքայական գավաթի խաղարկության քառորդ եզրափակիչում «Ռեալից» կրած պարտությունը:

«Կարծում եմ, որ մինչև 70-րդ րոպեն մենք շատ լավ էինք խաղում։ Այնուհետև Սեբալյոսի կողմից կոպիտ խախտում եղավ, և ոչ մեկին չի հետաքրքրում, որ նա երկրորդ դեղին քարտը չստացավ: Դա տեղի չունեցավ, իսկ հետո Սավիչը հեռացվեց խաղադաշտից, մենք մնացինք 10 ֆուտբոլիստներով:

Ռոդրիգոյի գոլն անհավանական անհատական ​​գործողություն է: Մինչև այդ «Աթլետիկոն» գերազանց խաղ ցուցադրեց, սակայն դժվար էր առավելությունը պահպանել։ Չնայած դրան, հիմնական ժամանակն ավարտվեց ոչ-ոքի, և թիմը ցույց տվեց այն խաղը, որը ես ցանկանում էի տեսնել: Ես շատ գոհ եմ, քանի որ տեսա, թե որքան ջանք գործադրեցին խաղացողները և ինչ տպավորություն թողեց թիմը»,- արգենտինացի մասնագետի խոսքը մեջբերում է As-ը:

Հիշեցնենք, որ «Աթլետիկոն» լրացուցիչ ժամանակում մնացել էր 10 ֆուտբոլիստներով և 1-3 հաշվով պարտվել մադրիդյան դերբիում: 

Անչելոտի. «Կարծում եմ՝ «Ռեալն» այնքան էլ լավ չխաղաց»