«Աթլետիկոյի» գլխավոր մարզիչ Դիեգո Սիմեոնեն հիշել է Չեմպիոնների լիգայի 1/8 եզրափակիչում «Ռեալի» հետ դիմակայության հետխաղյա հարվածաշարը, երբ Խուլիան Ալվարեսի գոլը 11-մետրանոց նշակետից չեղարկվեց գնդակին 2 անգամ հպման պատճառով:
«Մենք խոցված ու վիրավորված ենք: Դժվար է բառերով նկարագրել այն, ինչ զգում էինք այդ երեկո: Ալվարեսը գրավեց դարպասը, ես ուրախ էի, բայց հետո պարզվեց, որ գոլը չի արձանագրվել: Խաղից հետո դիտեցի դրվագի կրկնապատկերն ու հասկացա, որ նա երկրորդ անգամ չի հպվել գնդակին: Դա պարզապես գոլի դրվագ չէր, այն մտավ ֆուտբոլի պատմության մեջ, այն ճակատագրական նշանակություն ունեցավ ու քառորդ եզրափակիչի ուղեգիր արժեցավ մեզ համար:
Հիշում եմ Սերխիո Ռամոսի գոլը 2016-ի եզրափակիչում: Եզրային գծի մոտ կանգնած մրցավարը չտեսավ խաղից դուրս, բայց այն ակնհայտ երևում էր: Կլատենբուրգն էլ հայտարարեց, որ սխալ է թույլ տվել: Բայց այդ պահն է արդեն անցյալում է, մենք այն չենք կարող վերադարձնել»,- Սիմեոնեի խոսքն է մեջբերում AS-ը:
