Թայփեյում ընթացող համաշխարհային ուսանողական խաղերում («Ունիվերսիադա-2017») այսօր մրցահարթակ է դուրս եկել Եվրոպայի գործող չեմպիոն ծանրորդ Սիմոն Մարտրիոսյանը:
Մինչև 105 քաշայինների պայքարում 20-ամյա մարզիկը 401 կգ երկամարտի արդյունքով կանգնել է պատվո հարթակի ամենավերին աստիճանին: Պոկում վարժությունը Մարտիրոսյանը ավարտել է 180 կգ արդյունքով, իսկ հրումը՝ 221 կգ:
Ավելի վաղ տեղեկացրել էինք, որ մարմնամարզիկ Արթուր Թովմասյանը դարձել է Ունիվերսիադա-2017-ի չեմպիոն, իսկ ծանրորդ Անդրանիկ Կարապետյանը փոխչեմպիոն: Թաեքվոնդիստ Սերգեյ Վարդազարյանն էլ նվաճել էր բրոնզե մեդալ:
Հիշեցնենք, որ ունիվերսիադայում Հայաստանի 16 ներկայացուցիչ ունի յոթ մարզաձևում:
