Միլանի «Ինտերի» գլխավոր մարզիչ Սիմոնե Ինձագին ամփոփել է կատալոնական «Բարսելոնայի» դեմ Չեմպիոնների լիգայի կիսաեզրափակիչի առաջին հանդիպումը (3-3):
«Մենք հիանալի խաղ անցկացրինք: Հաղթում էինք 2-0 հաշվով, սակայն մինչև այժմ չեմ հասկանում, թե ինչու չարձանագրեցին Մխիթարյանի գոլը: Գիտենք, որ փայլուն ենք խաղացել աշխարհի լավագույն թիմի դեմ: Ցավոք, Մխիթարյանի չեղարկված գոլի դրվագի նման դրվագները կարող են որոշիչ լինել:
Յամալը լուրջ խնդիրներ էր ստեղծում: Մենք սկզբում 2 ֆուտբոլիստով էինք դիմավորում նրան, հետո ստիպված էինք բաց թողնել այլ գոտիներ և անցնել 3 ֆուտբոլիստով դիմավորելուն: Ես 8-9 տարի նման խաղացող չէի տեսել:
«Բարսան» բարձր բլոկով է խաղում: Այդ մարտավարությունը ռիսկային է, բայց աշխատում է, քանի որ նրանք արդեն 50 գոլ են խփել»,- իտալացի մասնագետի խոսքը մեջբերում է Football Italia-ն:
Մխիթարյանի խաղից դուրս վիճակը.
Կարդացեք նաև՝
- Մխիթարյանը՝ չեղարկված գոլի ու «Բարսելոնայի» դեմ խաղի մասին
- Մխիթարյանը՝ Յամալի մասին. «Ամբողջ աշխարհը կարող է տեսնել, թե որքան լավն է նա»
- Թիերի Անրի. «Այն, ինչ անում է Յամալը, նորմալ չէ»
- Յամալը գերազանցեց Մբապեի ու Գավիի ռեկորդները
Կողմերի պատասխան հանդիպումը կկայանա մայիսի 6-ին Միլանի «Ջուզեպե Մեացա» ստադիոնում և ժամը 22:45-ից կլինի «Ֆասթ Սպորտ»-ի ուղիղ եթերում։
Չեմպիոնների լիգայի հանդիպումները ցուցադրվում են «Ֆասթ Մեդիա»-ի հեռուստաալիքներով ու Fast TV հավելվածում (iOS, Android)։
