Ռիադում ավարտված թենիսի Six Kings Slam ցուցադրական մրցաշարի եզրափակիչում աշխարհի երկրորդ համար Յանիկ Սիները հաղթել է առաջին ռակետ Կառլոս Ալկարասին:
Իտալացին 1 ժամ 12 րոպե տևած մրցապայքարում 6-2, 6-4 հաշվով է հաղթել իսպանացուն: Սիները երկրորդ տարին անընդմեջ է նվաճում այս մրցաշարի տիտղոսը:
Իտալացին ստացել է 6 միլիոն դոլար մրցանակային գումար. 4,5 միլիոնը եզրափակիչում հաղթելու համար է, 1,5 միլիոնը` մասնակցության:
