Աշխարհի նորընծա չեմպիոն Արգենտինայի հավաքականի գլխավոր մարզիչ Լիոնել Սկալոնին երկարաձգել է պայմանագրի ժամկետը մինչև 2026 թվականի դեկտեմբերի 31-ը։ Այդ մասին սոցցանցերում հայտնել է լրագրող Գաստոն Էդուլը։
44-ամյա արգենտինացի մասնագետն Արգենտինայի հավաքականը գլխավորում է 2018 թվականի օգոստոսից: Արգենտինայի հավաքականը Սկալոնիի գլխավորությամբ հաղթել է Ամերիկայի գավաթի խաղարկությունում (2021), Ֆինալիսիմայում (2022) և աշխարհի առաջնությունում (2022):
