«Նապոլիի» հարձակվող Վիկտոր Օսիմհենը մոտ է կարիերան Սաուդյան Արաբիան ներկայացնող «Ալ Հիլալում» շարունակելուն, սոցցանցերում գրում է ինսայդեր Նիկոլո Սկիրան։

Կողմերը 2029թ. հունիսի 30-ը ներառյալ ժամկետով պայմանագիր են համաձայնեցրել։ Նիգերիացի ֆուտբոլիստը, եթե տեղափոխվի «Ալ Հիլալ», կվաստակի տարեկան 35 միլիոն եվրո աշխատավարձ։

Ավելի վաղ 26-ամյա ֆուտբոլիստը երկու անգամ մերժել էր «Ալ Հիլալին», ինչից հետո բարելավված առաջարկ է ստացել ակումբից։

Օսիմհենը 2024/25 մրցաշրջանը վարձավճարով անցկացրել է թուրքական «Գալաթասարայում», 41 խաղում խփել է 37 գոլ, կատարել 8 ասիստ։