«Լիվերպուլի» գլխավոր մարզիչ Արնե Սլոթը խոսել է ակումբի պաշտպան Տրենտ Ալեքսանդր-Առնոլդի Մադրիդի «Ռեալ» հավանական տեղափոխության մասին։
«Վստա՞հ եք, որ նա հունվարին չի հեռանա ակումբից։ Ես միայն վստահ եմ, որ նա կիրակի կմասնակցի մեր հաջորդ հանդիպմանը։ Կարծում եմ` ֆուտբոլում բարդ է ասել, թե ինչ տեղի կունենա մեկ ամսից կամ կես տարի հետո։ Ֆուտբոլում կան միայն կարճաժամկետ առաջնահերթություններ»,- նիդերլանդցի մասնագետի խոսքը մեջբերում է ինդայդեր Ֆաբրիցիո Ռոմանոն։
Հիշեցնենք, որ 26-ամյա Ալեքսանդր-Առնոլդի պայմանագիրը «Լիվերպուլի» հետ ավարտվում է 2025 թ. հունիսի 30-ին։ Անգլիացի ֆուտբոլիստի ծառայություններով հետաքրքրված Մադրիդի «Ռեալը» նրա տեղափոխության համար առաջարկ է արել «Լիվերպուլին», սակայն մերսիսայդյան գրանդը մերժել է այն։ «Արքայական ակումբը» փորձելու է Ալեքսանդր-Առնոլդի հետ պայմանագիր կնքել ազատ գործակալի կարգավիճակում։
