Անգլիական «Լիվերպուլի» գլխավոր մարզիչ Արնե Սլոթը հույս է հայտնել, որ ակումբը կկարողանա եգիպտոսցի հարձակվող Մոհամեդ Սալահին համոզել չլքել թիմը:
«Ամեն անգամ Սալահն օգտագործում է իր շանսը և գոլ է խփում: Մենք հույս ունենք, որ նա երկար կխաղա այստեղ: Սալահը շատ բան է տվել ակումբին»,- հոլանդացի մասնագետի խոսքը մեջբերում է Goal.com-ը:
Հիշեցնենք, որ Մոհամեդ Սալահն ընթացիկ մրցաշրջանում մերսիսայդցիների կազմում անցկացրել է 21 հանդիպում, դարձել է 15 գոլի և 12 ասիստի հեղինակ:
