Մադրիդի «Ռեալի» նախկին կիսապաշտպան Ուեսլի Սնեյդերը հայտարարել է, որ «Արքայական ակումբը» ճիշտ որոշում է կայացրել՝ Մբապեի ու Հոլանդի միջև ընտրելով ֆրանսիացուն, հայտնում է AS-ը:
«Կարծում եմ՝ «Ռեալը» ճիշտ վարվեց՝ չգնելով Հոլանդի տրանսֆերային իրավունքը: Կար մի ժամանակ, երբ նրանք դիտարկում էին Մբապեին ձախ եզրում ու Հոլանդին կենտրոնում օգտագործելու տարբերակը, բայց հիմա իրավիճակը շատ ավելի լավ է:
Ըստ իս՝ Մբապեն վերածվել է իսկական կենտրոնական հարձակվողի: Տպավորիչ է նրա տեղաշարժը կենտրոնում: Նա այժմ ավելի լավն է այդ դիրքում, քան ձախ եզրում: Հոլանդի հետ պայմանագիր կնքելու իմաստ այլևս չկա»,- ասել է Սնեյդերը:
