Պոլ Պոգբայի որակազրկման ժամկետը սպառվել է, և նա կարող է ֆուտբոլ վերադառնալ, գրում է Le Parisien-ը:
2023 սեպտեմբերին ֆրանսիացու դոպինգ թեստը դրական էր եղել: 2024-ի փետրվարին Պոգբան որակազրկվել էր 4 տարով, սակայն հետագայում պատիժը կրճատվել էր մինչև 1,5 տարի:
31-ամյա ֆուտբոլիստի վերջին ակումբը «Յուվենտուսն» էր, որը նրա հետ պայմանագիրը խզել է 2024-ի հոկտեմբերին:
Պոգբան մտադիր է հնարավորինս շուտ վերադառնալ մեծ ֆուտբոլ և դիտարկում է թոփ-5 առաջնությունների թիմեր: Հիմնական թեկնածուներից մեկը Մարսելի «Օլիմպիկն» է, որն առաջիկայում կարող է նրան պայմանագիր առաջարկել:
Աշխարհի 2018 թվականի առաջնության հաղթողը մարտի 11-ին ազատ գործակալի կարգավիճակ է ստացել և կարող է պայմանագիր կնքել ցանկացած ակումբի հետ:
