Հայաստանի ազգային հավաքականի կիսապաշտպան Էդուարդ Սպերցյանը «Կրասնոդարի» հետ Ռուսաստանի Պրեմիեր լիգայի չեմպիոնական տիտղոսը նվաճելուց հետո Матч ТВ-ի լրագրողի հետ զրույցում անդրադարձել է իր ապագային:

«Մենք պատմության մեջ մտանք։ Գաղտնիք չէ, որ ցանկանում եմ խաղալ Եվրոպայում, բայց դեռ որևէ հստակ բան չկա։ Եկեք սպասենք, ամեն ինչ հնարավոր է»,- ասել է ռուսական ակումբի 24-ամյա ավագը:

«Կրասնոդարն» իր պատմության մեջ առաջին անգամ է նվաճել Ռուսաստանի Պրեմիեր լիգայի չեմպիոնական տիտղոսը:

Սպերցյանը 2024/2025 մրցաշրջանում մասնակցել է 35 խաղի, խփել 11 գոլ և կատարել 6 ասիստ: