Արգենտինայի հավաքականի, Մադրիդի «Աթլետիկոյի», անգլիական «Մանչեսթեր Սիթիի» և կատալոնական «Բարսելոնայի» նախկին հարձակվող Սերխիո Ագուերոն սրտաբանից ֆուտբոլ վերադառնալու թույլտվություն է ստացել, հայտնում է Football talk-ը:
35-ամյա ֆուտբոլիստը համացանցի ուղիղ եթերի ընթացքում զանգել է բժշկին և հարցրել, թե արդյոք կարող է 10-20 րոպե անցկացնել խաղադաշտում:
Սրտաբանը նշել է, որ Ագուերոն կարող է դիմանալ ծանրաբեռնվածությանը, եթե վերականգնի ֆիզիկական վիճակը:
Հիշեցնենք, որ արգենտինացին կարիերան ավարտել էր 2021-ի դեկտեմբերին: Ավելի վաղ ֆուտբոլիստը սրտի նոպա էր ունեցել «Ալավեսի» հետ մրցավեճում:
