Հայաստանի ազգային հավաքականի և Fastex Հայաստանի Պրեմիեր լիգան ներկայացնող «Արարատ-Արմենիայի» պաշտպան Ստյոպա Մկրտչյանը վարձավճարով տեղափոխվել է Երևանի ԲԿՄԱ, հայտնում է ակումբի մամուլի ծառայությունը:
20-ամյա ֆուտբոլիստը ԲԿՄԱ-ում կխաղա մինչև ընթացիկ մրցաշրջանի ավարտը: Մկրտչյանը ԲԿՄԱ-ում վարձավճարով խաղացել էր նաև 2021/2022 մրցաշրջանում:
Ընթացիկ մրցաշրջանում պաշտպանը 10 հանդիպման է մասնակցել «Արարատ-Արմենիայի» կազմում, գոլի կամ գոլային փոխանցման հեղինակ չի դարձել:
Հիշեցնենք, որ Ստյոպա Մկրտչյանը 7 հանդիպում է անցկացրել Հայաստանի ազգային հավաքականի կազմում: Այս ձմռանը նա փորձաշրջան էր անցել ռուսական «Նիժնի Նովգորոդում»:
