տուր
01 Հունվար 1970 - 13:27
- «Տոտենհեմի» հարձակվող Հյոն Մին Սոնը Հարավային Կորեայից վերադառնալուց հետո կմեկուսացվի կորոնավիրուսի վտանգի պատճառով: Այս մասին հաղորդում է Daily Mail-ը:
Ֆուտբոլիստը չի այցելի ակումբի մարզաբազա և շփումներ չի ունենա թիմակիցների հետ: 27-ամյա խաղացողը կարանտինում կանցկացնի 2 շաբաթ:
Սոնն այս ամսվա սկզբին է վերադարձել հայրենիք ձեռքի վիրահատության ենթարկվելու համար, քանի որ վնասվածք էր ստացել Պրեմիեր լիգայի 26-րդ տուրում «Ասթոն Վիլայի» դեմ կայացած հանդիպման ժամանակ (3-2):
Հարավկորեացին Պրեմիեր լիգայի ընթացիկ առաջնությունում մասնակցել է 21 հանդիպման, խփել 9 գոլ ու կատարել 7 արդյունավետ փոխանցում: Հարձակվողը մյուս մրցաշարերում (Անգլիայի գավաթ, Չեմպիոնների լիգա) խաղադաշտ է դուրս եկել 10 անգամ՝ իր ակտիվում գրանցելով 7 գոլ և 1 գոլային փոխանցում:
Մոուրինյո․ «Չեմ կարծում՝ Սոնին այս մրցաշրջանում կրկին կտեսնենք խաղադաշտում»
