Սուրեն Հարությունյանը նվաճել է աշխարհի առաջնության ուղեգիր, հայտնում է Հայաստանի կարատեի ազգային ֆեդերացիայի մամուլի ծառայությունը։

Ֆրանսիայի մայրաքաղաք Փարիզում ընթացող որակավորման փուլում 75 կգ քաշային կարգում Հարությունյանը հաղթել է բոլոր մենամարտերը։

Հայաստանի ներկայացուցիչներից ավելի վաղ աշխարհի առաջնության ուղեգիր նվաճել էին նաև Գոռ Ներսիսյանն ու Յուրա Զալյանը։

Կարատեի աշխարհի առաջնությունը կանցկացվի Եգիպտոսի մայրաքաղաք Կահիրեում նոյեմբերի 27-30-ը։