Կատարի մայրաքաղաք Դոհայում այս օրերին ընթանում է միջազգային մրցաշար, որում Հայաստանը ներկայացնում է 4 ծանրորդ ու 2 ծանրորդուհի:
Մինչև 87 կգ քաշային Տաթև Հակոբյանը կանանց մրցմանը կանգնել է պատվո հարթակի առաջին աստիճանին: Տաթևը պոկել է 105 կգ, հրել՝ 128 կգ ու երկամարտի 233 կգ արդյունքով դարձել հաղթող:
59 կգ քաշային Իզաբելա Յայլյանը երկամարտի 221 կգ արդյունքով եզրափակել է լավագույն հնգյակը:
Տղամարդկանց պայքարում ելույթ է ունեցել 97 կգ քաշային Հակոբ Մկրտչյանը: Նա երկամարտում գրանցել է 355 կգ արդյունքը՝ զբաղեցնելով 7-րդ տեղը: Գյումրեցի ծանրորդը առաջին անգամ էր հանդես գալիս այս քաշային կարգում: 81 կգ քաշային կարգում հանդես եկող Անդրանիկ Կարապետյանը կրկին անգամ ձախողվել է պոկում վարժությունում՝ չկարողանալով իր կամքին ենթարկել 161 կգ կշռող ծանրաձողը:
Այսօր մրցահարթակ դուրս կգան գերծանր քաշայիններ Գոռ Մինասյանը ու Ռուբեն Ալեքսանյանը:
Նշենք, որ այս մրցաշարը Օլիմպիական խաղերի համար վարկանիշային է:
