Կոնֆերենցիաների լիգայի որակավորման երրորդ փուլում «Արարատ-Արմենիան» կընդունի Պրահայի «Սպարտային», որը կորուստներով է ժամանել Հայաստան, հայտնում է isport.blesk.cz-ը:
Կիսապաշտպան Ադամ Կարաբեցը տեղափոխվել է Լիոնի «Օլիմպիկ», իսկ կիսապաշտպան Կան Կաիռնենը, որը հաղթական գոլ էր խփել հայկական թիմի դարպասը, վնասվածք է ստացել:
Երևան չեն ժամանել նաև հիմնական կազմի վինգեր Վելկո Բիրմանչևիչը, փորձառու պաշտպաններ Յարոսլավ Զելենին և Էլիաս Կոբոն: Երեքն էլ մասնակցել էին Պրահայում կայացած հանդիպմանը:
Փոխարենը թեթև վնասվածքից ապաքինվել է Անժելո Պրեսիադոն, իսկ Պորտուգալիայից 3 միլիոն եվրոյով ձեռք բերված հարձակվող Ջոն Մերկադոն ընդգրկվել է թիմի հայտացուցակում:
«Արարատ-Արմենիա» – «Սպարտա» հանդիպումը կլինի «Ֆասթ Սպորտ»-ի ուղիղ եթերում օգոստոսի 14-ին՝ ժամը 20:00-ին:
