Անգլիական «Մանչեսթեր Յունայթեդի» նիդերլանդցի գլխավոր մարզիչ Էրիկ տեն Հագը հայտարարել է, որ պաշտպան Հարի Մագուայրը շատ կարևոր է թիմի համար:
«Չենք կարող ամբողջ մրցաշրջանն անցկացնել 11 ֆուտբոլիստով: Շատ կարևոր է ճիշտ ռոտացիան: Ուրախ եմ, որ ունենք 4 բարձրակարգ կենտրոնական պաշտպան:
Հարին պետք է մեզ: Նա կպայքարի մեկնարկային կազմում տեղի համար, ինչպես անում էր նախորդ մրցաշրջանում: Մագուայրը մեծ ներուժ ունի»,- Տեն Հագի խոսքը մեջբերում է Daily Mail-ը:
Հիշեցնենք, որ Էրիկ տեն Հագն անգլիացի պաշտպանին զրկել էր ավագի թևկապից՝ այն տալով պորտուգալացի կիսապաշտպան Բրունու Ֆերնանդեշին:
