Անգլիական «Մանչեսթեր Յունայթեդի» նիդերլանդցի գլխավոր մարզիչ Էրիկ տեն Հագը խոսել է թիմի անգլիացի հարձակվող Մարկուս Ռեշֆորդի պրոֆեսիոնալ աճի վերաբերյալ:
«Ես Հարի Փոթերը չեմ: Հաջողության գրավականը Ռեշֆորդի վստահությունն է: Յուրաքանչյուր ֆուտբոլիստ պետք է ձգտի դրան: Նա պայքարում էր այս ամենին հասնելու համար ու նվիրված մարզվում էր:
Իհարկե, ես ու մարզչական շտաբը խաղացողներին տալիս ենք նոր մտքեր, որոնք օգնում են ցույց տալ լավագույն որակները, սակայն վստահ եմ՝ եթե ֆուտբոլիստը հավատում է իր ուժերին, մյուս հարցերը երկրորդական են դառնում: Մարկուսը փայլուն մարզավիճակում է»,- Տեն Հագի խոսքը մեջբերում է The Guardian-ը:
«Մանչեսթեր Յունայթեդի» կազմում անցկացրած վերջին 10 խաղերում Ռեշֆորդը նույնքան գոլ է խփել:
