Անգլիական «Վեսթ Հեմը» չի պատրաստվում նոր պայմանագիր առաջարկել ճամայկացի հարձակվող Մայքլ Անտոնիոյին, հաղորդում է The Athletic-ը:
35-ամյա ֆուտբոլիստի պայմանագրի ժամկետը սպառվել է հուլիսի 1-ին: Անտոնիոն նախորդ տարվա դեկտեմբերին դաժան ավտովթարի էր ենթարկվել, վիրահատվել էր և բաց թողել մրցաշրջանի երկրորդ հատվածը:
Նա վերջերս խաղի էր մասնակցել «Վեսթ Հեմի» Մ21 թիմի կազմում, մինչև այդ էլ Ճամայկայի հավաքականի կազմում երեք խաղում փոխարինման էր դուրս եկել:
Լոնդոնյան ակումբն Անտոնիոյին թույլ է տվել մարզվել երիտասարդական թիմի հետ` ֆիզիկական վիճակը բարելավելու համար: «Վեսթ Հեմի» գլխավոր մարզիչ Գրեմ Փոթերը նշել է, որ Անտոնիոյին կարող է առաջարկվել միանալ «Վեսթ Հեմի» Մ21 թիմի մարզչական շտաբին:
Նա ակումբում է 2015 թվականից, 68 գոլով «Վեսթ Հեմի» պատմության մեջ գլխավոր ռմբարկուն է:
