Պորտուգալացի լեգենդար հարձակվող Կրիշտիանու Ռոնալդուն չի մասնակցել Դիոգու Ժոտայի և նրա եղբոր` Անդրեի հուղարկավորության արարողությանը:
The Mirror-ի տեղեկություններով` «Ոսկե գնդակի» 5-ակի դափնեկիրը չի ներկայացել Պորտուգալիայի Պորտու շրջանի Գոնդոմար փոքրիկ քաղաքում անցկացված հրաժեշտի արարողությանը, որպեսզի ուշադրության կենտրոնում չհայտնվի: «Ալ Նասրի» 40-ամյա ֆուտբոլիստը մտավախություն է ունեցել, որ կարող է իր ներկայությամբ ստվերել արարողությունը:
Օրեր առաջ Ռոնալդուն հուզիչ գրառմամբ արձագանքել էր Պորտուգալիայի հավաքականում իր թիմակցի մահվանը:
28-ամյա Ժոտան ու 26-ամյա Անդրե Սիլվան, որը ևս ֆուտբոլիստ էր, մահացել են հուլիսի 3-ի վաղ առավոտյան իսպանական Սամորա քաղաքում տեղի ունեցած ավտովթարից:
