Գերմանացի հարձակվող Թոմաս Մյուլերը դարձավ Մյունխենի «Բավարիայի» կազմում Գերմանիայի գավաթի խաղարկությունում ամենաշատ հանդիպում անցկացրած ֆուտբոլիստը, հայտնում է Opta-ն:
Մյուլերն այս պահին մասնակցում է «Ֆրայբուրգի» դեմ քառորդ եզրափակիչի տնային հանդիպմանը, որը 33-ամյա ֆուտբոլիստի համար 64-րդ խաղն է այս մրցաշարում:
Գերմանացին գերազանցեց իր հայրենակից, դարպասապահ Զեպ Մայերի ռեկորդը, որը 63 հանդիպում էր անցկացրել «Բավարիայի» կազմում Գերմանիայի գավաթի խաղարկություններում:
Հիշեցնենք, որ «Բավարիա» - «Ֆրայբուրգ» խաղում երկրորդ կեսի դրությամբ հաշիվը 1-1 է:
