Հայաստանի ազգային հավաքականի նորեկ Տիգրան Ավանեսյանի գոլը «Բալթիկային» դուրս բերեց Ռուսաստանի գավաթի խաղարկության Ռեգիոնների ուղու եզրափակիչ:

Կիսաեզրափակիչում Կալինինգրադի թիմը հյուրընկալվելիս 1-0 հաշվով հաղթեց «Ռոստովին», հայ կիսապաշտպանը խաղի միակ գոլը խփեց չորրորդ րոպեին:

22-ամյա ֆուտբոլիստը մասնակցեց ամբողջ հանդիպմանը, «Ռոստովի» կազմում մեկնարկից խաղադաշտ դուրս եկավ Հայաստանի ազգային հավաքականի կիսապաշտպան Խորեն Բայրամյանը, որը փոխարինվեց 46-րդ րոպեին:

«Բալթիկան» Ռեգիոնների ուղու եզրափակիչում կմրցի Մոսկվայի «Սպարտակի» հետ, այս զույգի հաղթողն էլ գավաթը կվիճարկի ԲԿՄԱ - «Զենիթ» դիմակայության հաղթողի հետ:

Ռուսաստանի գավաթ, կիսաեզրափակիչ

«Ռոստով» - «Բալթիկա»՝ 0-1

Տիգրան Ավանեսյան, 4