Հայաստանի ազգային հավաքականի եզրային հարձակվող Տիգրան Բարսեղյանը Բրատիսլավայի «Սլովանի» կազմում դուբլ է գրանցել «Ժիլինայի» դեմ Սլովակիայի առաջնության 7-րդ տուրի արտագնա խաղում:
31-ամյա ֆուտբոլիստը գոլ է խփել 25-րդ և 59-րդ րոպեներին, առաջինը` 11-մետրանոցից: Խաղն ավարտվել է 3-3 հաշվով:
Բարսեղյանն ընթացիկ մրցաշրջանում գրանցել է 4-ական գոլ ու ասիստ:
Գործող չեմպիոն «Սլովանն» ու «Ժիլինան» ունեն 12-ական միավոր: Բրատիսլավայի թիմը մեկ խաղ քիչ է անցկացրել:
