Հայաստանի հավաքականի կիսապաշտպան Տիգրան Բարսեղյանը երկու գոլ է խփել Բրատիսլավայի «Սլովանի» կազմում։
Սլովակիայի չեմպիոնը պատրատսվում է 2024/25 մրցաշրջանին և ընկերական խաղում 5-1 հաշվով հաղթել է ավստրիական «Լինցին»։
Բարսեղյանն աչքի է ընկել 56-րդ ու 75-րդ րոպեներին և խփել իր թիմի երկրորդ ու չորրորդ գոլերը։
«Սլովանը» հաջորդ ընկերական հանդիպումն անցկացնելու է հունիսի 29-ին և մրցելու է ռումինական «Կլուժի» դեմ։
Հիշեցնենք, որ Տիգրան Բարսեղյանը 13 գոլով դարձել է Սլովակիայի ավարտված առաջնության լավագույն ռմբարկու։
