Հայաստանի ազգային հավաքականի թեկնածու Տիգրան Բարսեղյանը Բրատիսլավայի «Սլովանի» կազմում գոլի հեղինակ է դարձել երրորդ խաղում անընդմեջ:

Եզրային հարձակվողը «Պոդբրեզովայի» դեմ Սլովակիայի առաջնության երկրորդ տուրի տնային խաղի 77-րդ րոպեին 11-մետրանոցից խփել է գործող չեմպիոնի հաղթական գոլը՝ 1-0:

30-ամյա ֆուտբոլիստը գոլ էր խփել նաև Սլովակիայի առաջնության մեկնարկային տուրի խաղում ու սլովենական «Ցելյեի» դեմ Չեմպիոնների լիգայի որակավորման երկրորդ փուլի պատասխան մրցավեճում (5-0):

Սլովակիայի առաջնություն, երկրորդ տուր

«Սլովան» - «Պոդբրեզովա»՝ 1-0

Տիգրան Բարսեղյան, 77 (11մ)