Ֆուտբոլային գործակալ Ալեքսանդր Կլյուևը, որը ներկայացնում է Մոսկվայի «Լոկոմոտիվի» կիսապաշտպան Նաիր Տիկնիզյանի շահերը, հրաժարվել է մեկնաբանել է իր հաճախորդի՝ քաղաքացիությունը փոխելու մասին լուրերը:
«Եկեք առայժմ դա թողնենք առանց մեկնաբանությունների»,- Կլյուևի խոսքը մեջբերում է Metaratings.ru-ն:
Ավելի վաղ լուրեր էին շրջանառվում, որ Հայաստանի ֆուտբոլի ֆեդերացիան կապ էր հաստատել Ռուսաստանի երիտասարդական հավաքականի նախկին ֆուտբոլիստի հետ և առաջարկել էր փոխել քաղաքացիությունը, սակայն ստացել էր մերժում:
Ընթացիկ մրցաշրջանում 23-ամյա կիսապաշտպանը «Լոկոմոտիվի» կազմում մասնակցել է 22 հանդիպման, խփել 1 գոլ, կատարել 2 արդյունավետ փոխանցում:
