Թողարկվել է «Անքնություն» հոգեբանական թրիլլերի պաշտոնական սաունդթրեքը: Հոլովակը թողարկվել է ֆիլմի յութուբյան ալիքում:
«Անքնությունը» սցենարիստ Հարութ Ղուկասյանի ռեժիսորական դեբյուտն է: Պրոդյուսերն Արմեն Սողոյանն է: Երաժշտության հեղինակն Արմեն Բադալյանն է, գործիքավորողը՝ Աբել Կյուրեղյանը։
Ֆիլմի գլխավոր հերոսներին մարմնավորում են Սամվել Թադևոսյանն ու Ինգրիտ Կոկչյանը։ Ֆիլմում նկարահանվել են նաեւ Բաբկեն Չոբանյանը, Ալիս Մելիքսեթյանը և պրոդյուսեր Արմեն Սողոյանը։
Ֆիլմի գլխավոր հերոսն Արմանն է, նա տառապում է անքնությամբ։ Արմանի կյանքն ամբողջությամբ փոխվում է մի գիշերվա ընթացքում, երբ պատահական զանգ է ստանում անծանոթուհուց, որն օգնության կարիք ունի։ Այս իրադարձությունն էլ դառնում է ֆիլմի կարևորագույն գործողությունների սկիզբը։
Հոկտեմբերի 28-ից ֆիլմը կցուցադրվի բոլոր կինոթատրոններում:
