Տրենտ Ալեքսանդր-Առնոլդի հեռանալու դեպքում «Լիվերպուլի» գլխավոր մարզիչ Առնե Սլոթը ցանկանում է թիմում տեսնել Լևերկուզենի «Բայերի» պաշտպան Ջերեմի Ֆրիմպոնգին, հայտնում է Sky Switzerland-ը:
46-ամյա մասնագետն անձամբ է փորձում համոզել Նիդերլանդների հավաքականի ֆուտբոլիստին:
Մերսիսայդյան ակումբի ու ֆուտբոլիստի ներկայացուցինչները նույնպես քննարկել են հավանական գործարքը, սակայն «Կարմիրները» դեռևս պաշտոնական առաջարկ չեն ներկայացրել Գերմանիայի չեմպիոնին:
Անգլիական գրանդի ֆուտբոլային տնօրեն Մայքլ Էդվարդսը լավ հարաբերություններ ունի «Դեղագործների» ղեկավարության հետ և պատրաստ է 50 միլիոն եվրո արժողությամբ նախնական առաջարկ կատարել:
Ջերեմի Ֆրիմպոնգն ընթացիկ մրցաշրջանում լևերկուզենյան թիմի կազմում անցկացրել է 40 խաղ, որոնցում աչքի է ընկել 15 արդյունավետ գործողությամբ (4 գոլ, 11 ասիստ):
Հիշեցնենք, որ ըստ Sky Sports-ի՝ Տրենտը 5 տարվա պայմանագիր է կնքելու «Արքայական ակումբի» հետ:
