Կոսովոյի մայրաքաղաքում շարունակվող ծանրամարտի Եվրոպայի պատանեկան առաջնությունում այսօր պայքարն սկսեցին Հայաստանի աղջիկները, հաղորդում է ՀԱՕԿ պաշտոնական կայքը:
15 տարեկանների մրցավեճում 69 կգ քաշային կարգում Լիանա Գյուրջյանը մեկ գլուխ բարձր էր բոլոր մրցակիցներից: Մեր աղջնակը մեկ օրում երեք ոսկե մեդալ նվաճեց, երկամարտում՝ 183 կգ, պոկում վարժությունում՝ 78 կգ եւ հրումում՝ 105 կգ:
